کھانے میں کوئی عیب نہ نکالیں جو مل جائے کھا لیا کریں۔ اگر کھانے میں کوئی مہمان بھی شریک ہو تو ان سے بار بار کہیں  کھائیے کھائیے اور مہمان کے کھانا ختم کر نے سے پہلے اپنا ہاتھ نہ روکیں۔ تھوڑا تھوڑا کھاتے رہیں یہاں تک کہ وہ اپنا ہاتھ کھانے سے نہ روک لے۔ کھانے کے دوران اگر چھینک یا کھانسی آجائے تو دسترخوان سے منہ پھیردیں  اور منہ پر ہاتھ رکھ لیں۔کھانے سے قبل  اچھی طرح ہاتھ دھوئیں اور جب دسترخوان سے اٹھیں تو ہاتھ دھولیں اور کلی کریں۔